മില്മയിലെ സ്ഥിരനിയമനങ്ങളില് ക്ഷീരകര്ഷകരുടെ ആശ്രിതര്ക്ക് സംവരണം ഏര്പ്പെടുത്താന് തത്വത്തില് അനുമതി നല്കി ഉത്തരവ് പുറത്തിറക്കി. മില്മയുടെ മലബാര്, എറണാകുളം, തിരുവനന്തപുരം യൂണിയനുകളിലെ സ്ഥിര നിയമനങ്ങളിലാണ് സംവരണം പ്രാബല്യത്തില് വരുക. ദീര്ഘകാലമായുള്ള മേഖലാ യൂണിയനുകളുടെ ആവശ്യം സര്ക്കാര് അംഗീകരിക്കുകയും ക്ഷീരകര്ഷകരുടെ ആശ്രിതര്ക്ക് അര്ഹമായ പരിഗണന കിട്ടുകയും ചെയ്യുന്നതാണ് ഈ ഉത്തരവ്. സംവരണം സംബന്ധിച്ചുള്ള മാനദണ്ഡങ്ങള് മില്മ മേഖലാ യൂണിയനുകളും ക്ഷീരവികസന വകുപ്പ് ഡയറക്ടറും പരിഗണിച്ച ശേഷം മില്മ മാനേജിങ് ഡയറക്ടര് സര്ക്കാരിന് സമര്പ്പിക്കണമെന്ന് ഉത്തരവില് പറയുന്നു.
