കേരള ക്രിക്കറ്റ് അസോസിയേഷനിൽ പെണ്കുട്ടികളെ പരിശീലകൻ മനു പീഡിപ്പിച്ച സംഭവത്തിൽ മനുഷ്യാവകാശ കമ്മീഷൻ സ്വമേധയാ കേസെടുത്തു. ആറു പെണ്കുട്ടികളെ പീഡിപ്പിച്ചുവെന്നാണ് പരാതി ലഭിച്ചിരിക്കുന്നത്. സംഭവത്തിൽ കെ എസി എ വിശദീകരണം നൽകണമെന്ന് മനുഷ്യാവകാശ കമ്മീഷൻ ആവശ്യപ്പെട്ടു. പോക്സോ കേസിൽ പ്രതിയായ മനുവിനെ പരിശീലക സ്ഥാനത്തുനിന്നും മാറ്റാൻ കെ സി എ തയ്യാറായിരുന്നില്ല. കെ സി എ ആസ്ഥാനത്തുള്പ്പെടെ പീഡനം നടന്നുവെന്ന കണ്ടെത്തലിനെ തുടർന്നാണ് മനുഷ്യാവകാശ കമ്മീഷന്റെ നടപടി.
