ശബരിമല സുവർണാവസരം വിവാദ പ്രസംഗത്തിൽ ബിജെപി മുൻ സംസ്ഥാന അധ്യക്ഷനും നിലവിലെ ഗവർണറുമായ പി.എസ്.ശ്രീധരൻപിള്ളക്കെതിരെയെടുത്ത കേസ് ഹൈക്കോടതി റദ്ദാക്കി. ശബരിമലയിലെ യുവതി പ്രവേശന വിധിയെതുടര്ന്നുണ്ടായ പ്രതിഷേധ സമരത്തെ സുവര്ണാവസരം എന്ന് പാര്ട്ടി യോഗത്തില് വിശേഷിപ്പിച്ചതിലായിരുന്നു കേസ്. 2018 നവംബറില് കോഴിക്കോട്ട് നടന്ന യുവമോര്ച്ച യോഗത്തിലെ ശ്രീധരന്പിള്ളയുടെ പ്രസംഗത്തിന്റെ ശബ്ദരേഖ ചോര്ന്ന് മാധ്യമങ്ങള്ക്ക് ലഭച്ചത് ഏറെ വിവാദമായിരുന്നു. സമാധാനപരമായി സമരം ചെയ്യാൻ കിട്ടിയ സുവർണ അവസരം എന്നാണ് ഉദ്ദേശിച്ചതെന്ന് അദ്ദേഹം അതിനു വിശദീകരണം നല്കിയിരുന്നു.
