വിജയ് പ്രഖ്യാപിച്ച തമിഴക വെട്രി കഴകത്തിന്റെ ആദ്യ യോഗം നാളെ ചേർന്നേക്കും

വിജയ് പ്രഖ്യാപിച്ച തമിഴക വെട്രി കഴകത്തിന്റെ പ്രവർത്തനങ്ങളെ സംബന്ധിച്ച് ചർച്ച ചെയ്യാനായി ആദ്യ യോഗം നാളെ ചേർന്നേക്കും. അതോടൊപ്പം രാഷ്ട്രീയ കടൽ വിജയ് നീന്തിക്കയറുമോ , അതോ മുങ്ങി ചാകുമോ എന്ന് അണ്ണാ ഡിഎംകെ മുൻമന്ത്രി ഡി.ജയകുമാറും, പ്രശസ്തി കൊണ്ട് മാത്രം രാഷ്ട്രീയത്തിൽ പിടിച്ചുനിൽക്കാൻ ആകില്ലെന്ന് ഡിഎംകെ വക്താവ് ടി.കെ.എസ് ഇളംകോവനും പ്രതികരിച്ചു. അതിനിടെ പാർട്ടി സ്ഥാപിച്ചതിൽ വിജയിനെ അഭിനന്ദിക്കുന്നു എന്നു പറഞ്ഞ കായിക മന്ത്രി ഉദയനിധി സ്റ്റാലിൻ, പാർട്ടിയുടെ ഭാവി കണ്ടറിയാമെന്നും കൂട്ടിച്ചേർത്തു.