മുക്കം നഗരസഭയിലെ കുടുംബാരോഗ്യ കേന്ദ്രത്തോട് ചേര്ന്നുള്ള ഐസൊലേഷന് വാര്ഡിന്റെ സീലിംഗ് തകര്ന്നുവീണു. ഒരു മാസം മുന്പ് മുഖ്യമന്ത്രി പിണറായി വിജയന് ഉദ്ഘാടനം ചെയ്ത കെട്ടിടത്തിൽ രോഗികളെ പ്രവേശിപ്പിച്ചിരുന്നില്ല. അതിനാൽ കൂടുതല് അനിഷ്ട സംഭവങ്ങള് ഒഴിവായി. ഒരുസമയത്ത് പത്ത് പേരെ ഇവിടെ കിടത്തിച്ചികിത്സിക്കാന് സാധിക്കുന്ന തരത്തില് ആധുനിക സൗകര്യങ്ങള് ഒരുക്കിയിരുന്നു. കിഫ്ബി ഫണ്ട് ഉപയോഗിച്ച് 1.75 കോടി രൂപ ചിലവഴിച്ചാണ് കെട്ടിടം നിര്മിച്ചത്.