ടെക്സാസ് ഫിലിം ഫാക്ടറിയുടെ ബാനറില് ശ്രീ അംജിത് എസ്കെ നിര്മ്മിക്കുന്ന രണ്ടാമത്തെ ചിത്രമായ ‘തേരി മേരി’ യുടെ മോഷന് പോസ്റ്റര് റിലീസ് ചെയ്തു. ഷൈന് ടോം ചാക്കോയുടെ ജന്മദിനത്തില് കലൂര് ഐഎംഎ ഹൗസില് വെച്ചായിരുന്നു റിലീസ്. അതോടൊപ്പം ചിത്രത്തിന്റെ ടൈറ്റില് അന്നൗണ്സ്മെന്റും നടന്നു. ജനുവരിയില് ചിത്രീകരണം ആരംഭിക്കുന്ന ചിത്രത്തില് ഹണി റോസ്, ഷൈന് ടോം ചാക്കോ, ശ്രീനാഥ് ഭാസി എന്നിവര് പ്രധാന വേഷത്തില് എത്തുന്നു. നവാഗതനായ ശ്രീരാജ് എം രാജേന്ദ്രന് സംവിധാനം നിര്വഹിക്കുന്ന ചിത്രത്തിന്റെ ഛായഗ്രഹണം നിര്വഹിക്കുന്നത് പ്രശസ്ത ഛായാഗ്രാഹകന് പി സുകുമാരന് ഐ എസ് സി ആണ്. നവാഗതയായ ആരതി മിഥുന് ആണ് ചിത്രത്തിന്റെ കഥ, തിരക്കഥ, സംഭാഷണം എന്നിവ തയ്യാറാക്കിയിരിക്കുന്നത്. സംഗീത സംവിധാനം നിര്വഹിക്കുന്നത് കൈലാസ് മേനോനാണ്.
