സ്വന്തം പാര്‍ട്ടിക്കാര്‍ ലോക്സഭാ തെരഞ്ഞെടുപ്പിൻ്റെ ഫണ്ട് മുക്കിയെന്ന ആരോപണവുമായി രാജ്മോഹൻ ഉണ്ണിത്താൻ. കാസര്‍കോട് ലോക്സഭാ മണ്ഡലത്തിൽ ബൂത്ത് കമ്മിറ്റികൾക്ക് നൽകാൻ ഏൽപ്പിച്ച പണമാണ് കാണാതായത്. മണ്ഡലം പ്രസിഡന്റുമാര്‍ ഈ പണമാണ് മുക്കിയത്. പണം തട്ടിയെടുത്തവരെ അറിയാമെന്നും അദ്ദേഹം പറഞ്ഞു. ഡിസിസി ഓഫീസിൽ നടന്ന പരിപാടിയിലാണ് ഫണ്ട് മുക്കിയെന്ന ആരോപണം അദ്ദേഹം ഉന്നയിച്ചത്. ഇതിന് കാരണക്കാരായ ആരെയും വെറുതെ വിടില്ലെന്ന മുന്നറിയിപ്പും അദ്ദേഹം നൽകി.
