പെരിന്തൽമണ്ണ നിയമസഭാ തെരഞ്ഞെടുപ്പില് എൽഡിഎഫ് സ്ഥാനാർത്ഥി കെ പി എം മുസ്തഫ നൽകിയ ഹര്ജി ഹൈക്കോടതി തള്ളി. ഇതോടെ നജീബ് നജീബ് കാന്തപുരത്തിന് എംഎൽഎയായി തുടരാം. നിയമസഭ തെരഞ്ഞെടുപ്പില് പെരിന്തല്മണ്ണ മണ്ഡലത്തില്വെറും 38 വോട്ടിന്റെ ഭൂരിപക്ഷത്തിനാണ് യുഡിഎഫ് സ്ഥാനാര്ത്ഥിയായ നജീബ് കാന്തപുരം വിജയിച്ചത്. അപാകതകള് ചൂണ്ടിക്കാട്ടി സ്പെഷ്യല് തപാല് വോട്ടുകള് എണ്ണിയിരുന്നില്ല. ഉദ്യോഗസ്ഥൻ ബാലറ്റ് കവറിൽ ഒപ്പ് വെച്ചില്ല എന്ന കാരണത്താലാണ് എണ്ണാതിരുന്നത്. ഈ വോട്ടുകള് അസാധുവാക്കിയതിനെതിരെ എതിര് സ്ഥാനാര്ത്ഥി കെപിഎം മുസ്തഫ ഹൈക്കോടതിയെ സമീപിക്കുകയായിരുന്നു.
