എത്ര വിനയം അഭിനയിക്കാൻ ശ്രമിച്ചാലും ഉള്ളിലുള്ള യഥാർത്ഥ സംസ്കാരം ചില സന്ദർഭങ്ങളിൽ പുറത്തുചാടുമെന്നും മനുഷ്യർ ഇത്ര ചെറുതായിപ്പോകാമോയെന്നും മന്ത്രി എംബി രാജേഷ്. ഇന്ന് കല്യാണവീട്ടിൽ വെച്ച് പാലക്കാടെ യുഡിഎഫ് സ്ഥാനാർത്ഥിയും വടകര എം പിയും ഡോ. സരിനോട് ചെയ്തത് അതാണെന്ന് അദ്ദേഹം ഫേസബുക്കില് കുറിച്ചു. പരസ്പരം എതിർ സ്ഥാനാർത്ഥികളായി മത്സരിക്കുന്നു എന്നത്, കണ്ടാൽ മിണ്ടാത്ത ശത്രുതയാകുമോയെന്നും രാഷ്ട്രീയത്തിലും പൊതുജീവിതത്തിലും എല്ലാക്കാലത്തുമുണ്ടായിട്ടുള്ള ചില സാമാന്യ മര്യാദകളുണ്ട്. അതിനൊന്നും ഒരു വിലയും കല്പിക്കാത്ത പെരുമാറ്റമാണ് ഇന്ന് അവരിൽ നിന്നുണ്ടായതെന്നും എം ബി രാജേഷ് പറഞ്ഞു. കല്യാണ വീട്ടിൽ വോട്ട് തേടിയെത്തിയ പാലക്കാട്ടെ എല്ഡിഎഫ് സ്ഥാനാര്ത്ഥി പി സരിനും കോണ്ഗ്രസ് സ്ഥാനാര്ത്ഥി രാഹുല് മാങ്കൂട്ടത്തിലും പരസ്പരം കണ്ടത്തിന് ശേഷം രാഹുലിനും ഒപ്പമുണ്ടായിരുന്ന ഷാഫിക്കും ഹസ്തദാനം നൽകാൻ സരിന് കൈനീട്ടിയിട്ടും കൂസാതെ ഇരുവരും നടന്ന് നീങുകയാണുണ്ടായത്. ഇതേ തുടർന്നായിരുന്നു എം ബി രാജേഷിന്റെ പരാമർശം.
