നിര്മിതബുദ്ധിയില് എതിരാളികളെ ഞെട്ടിച്ച് ശക്തമായ മുന്നേറ്റം നടത്തി ഗൂഗിള്. കോഡിങ്ങില് മിന്നുന്ന പ്രകടനവുമായി ജെമിനി 3.8 ഫ്ളാഷ് കമ്പനി പുറത്തിറക്കി. ക്ലോഡ് ഓപ്പസ് 5, ജിപിടി-5.6 സോള് തുടങ്ങിയ നൂതന മോഡലുകളുമായി ജെമിനി 3.8 ഫ്ളാഷിന് മത്സരിക്കാനാകുമെന്നും വളരെ കുറഞ്ഞ ചെലവില് ഇത് സാധ്യമാക്കുമെന്നും ഗൂഗിള് പറയുന്നു. കോഡിങ്ങില് എതിരാളികളായ ഓപ്പണ്എഐക്കും ആന്ത്രോപിക്കിനും അല്പ്പം പിന്നിലാണ് ഗൂഗിളെന്ന് സിഇഓ സുന്ദര് പിച്ചൈ തന്നെ നേരത്തെ സമ്മതിച്ചിരുന്നു. ഈ വിടവ് നികത്തുന്നതാണ് ജെമിനി 3.8 ഫ്ളാഷ് എന്നാണ് വിലയിരുത്തപ്പെടുന്നത്. വെറും ആറ് ആഴ്ചയ്ക്കുള്ളിലെ മൂന്നാമത്തെ ഫ്ളാഷ് റിലീസ് ആണ് ഇതെന്ന് അദ്ദേഹം വ്യക്തമാക്കി. ഇവ പ്രവര്ത്തിപ്പിക്കാനും ചെലവ് കുറവാണ്.
