പുതുപ്പള്ളി സെന്റ് ജോര്ജ് വലിയ പള്ളിയില് ഒരുക്കിയ പ്രത്യേക കല്ലറയിലാണ് മുൻ മുഖ്യമന്ത്രി ഉമ്മൻ ചാണ്ടിയുടെ അന്ത്യ വിശ്രമം. രാഹുല് ഗാന്ധിയടക്കമുള്ള നേതാക്കള് വിലാപയാത്രയുടെ ഭാഗമായി. പള്ളിയിലെ അന്ത്യ ശുശ്രൂഷകൾക്ക് ശേഷം ഉമ്മൻ ചാണ്ടിയുടെ മകൻ ചാണ്ടി ഉമ്മൻ എല്ലാവർക്കും നന്ദിയറിയിച്ചു. ആചാരവെടിയും ഔദ്യോഗിക ബഹുമതിയും വേണ്ടെന്നുവച്ച നേതാവിന് ആദരമായി ആയിരക്കണക്കിന് സാധാരണക്കാര് കണ്ണീർപ്പൂക്കൾ സമ്മാനിച്ചു.
