തിരുവനന്തപുരം: പബ്ലിക് റിലേഷന്സ് വകുപ്പിലെ അസിസ്റ്റന്റ് ഇന്ഫര്മേഷന് ഓഫിസര് നിയമനം പിന്വാതില് നിയമനമാണെന്ന് കെ സി വേണുഗോപാല്. മുഖ്യമന്ത്രിയുടെ ഓഫിസിലെ ഉന്നതന്റെ ബന്ധുവും ഡിവൈഎഫ്ഐ നേതാവിന്റെ ഭാര്യയും പട്ടികയിലുണ്ടെന്നും, വ്യാജ പരിചയ സർട്ടിഫിക്കറ്റുകളുടെ അടിസ്ഥാനത്തിൽ കേരള അഡ്മിനിസ്ട്രേറ്റീവ് ട്രിബ്യൂണല് നിയമനം സ്റ്റേ ചെയ്തെന്നും അദ്ദേഹം പറഞ്ഞു. പിന്വാതില് നിയമനത്തില് നിരാശരായ ഉദ്യോഗാര്ഥികളുടെ ചുടുകണ്ണീരില് ഈ സര്ക്കാര് വെന്തുരുകും. അവരുടെ കണ്ണീരിനു വിലയുണ്ട്. യു ഡി എഫ് സര്ക്കാര് അധികാരത്തില് വരുമ്പോള് പി ആര് ഡി അസി. ഇന്ഫര്മേഷന് ലിസ്റ്റ് ഉള്പ്പെടെ എല്ലാ അനധികൃത – പിന്വാതില് നിയമനങ്ങളും കര്ശനമായി പുനഃപരിശോധിക്കുമെന്നും കെ സി വേണുഗോപാല് പറഞ്ഞു.
