ഒരുപാട് തിക്താനുഭവങ്ങളിലൂടെയാണ് അബ്ദുള് നാസറിന്റെ കുട്ടിക്കാലം കടന്നുപോയത്. പ്രതിലോമസാഹചര്യങ്ങളില്നിന്ന് സ്വന്തം ഇച്ഛാശക്തികൊണ്ടും കഠിനാദ്ധ്വാനംകൊണ്ടും ജീവിതത്തില് ഉന്നതവിജയം കൈവരിച്ച അബ്ദുള് നാസറിന്റെ ജീവിതം എല്ലാവര്ക്കും പ്രചോദനമാണ്. കേരളത്തിലെ ഒരു ചെറുപട്ടണത്തിലെ അനാഥാലയത്തില്നിന്ന് ഒരു കൊച്ചുകുട്ടി വളര്ന്ന് കളക്ടറായതും നാഴികക്കല്ലുകള് പിന്നിട്ടതും കഠിനാദ്ധ്വാനം ചെയ്തതും എങ്ങനെയെന്ന് ഇതിലറിയാം. അനാഥാലയത്തില്നിന്നു തുടങ്ങി അതിജീവനത്തിലൂടെ വിജയത്തിന്റെ പടവുകള് കയറിയ ഒരു ഐ.എ.എസ്സുകാരന്റെ ആത്മകഥ. ‘ജൂലായ് 1 : ഒരു അനാഥബാല്യത്തിന്റെ ആത്മഗതം’. ബി. അബ്ദുള് നാസര് ഐഎഎസ്. മാതൃഭൂമി. വില 234 രൂപ.
