ഭീമന്‍പാമ്പിനു തൂക്കമെത്ര?
കഴുത്തിലണിഞ്ഞിരിക്കുന്ന ഈ ഭീമന്‍ പാമ്പിന് എത്ര കിലോ തൂക്കമുണ്ടാകും? ഈ ഭീമന്‍ പാമ്പിനെ കഴുത്തിലണിഞ്ഞിരിക്കുന്നത് ആരാണെന്നറിയാമോ? നാഷണല്‍ ഫുട്ബോള്‍ ലീഗിലെ മുന്‍ അമേരിക്കന്‍ ഫുട്ബോള്‍ വൈഡ് റിസീവറായ മൈക്ക് ഹോള്‍സ്റ്റണ്‍ എന്നറിയപ്പെടുന്ന മൈക്കല്‍ ആന്റണി ഹോള്‍സ്റ്റണ്‍ ആണ് പാമ്പുമായി നില്‍ക്കുന്നത്. ഹോള്‍സ്റ്റണ്‍ പാമ്പിനെ കൈയിലും ചുമലിലും താങ്ങിയെടുത്തു നില്‍ക്കുന്നത് ആരെയും അമ്പരപ്പിക്കുന്നതാണ്. പാമ്പ് അദ്ദേഹത്തിന്റെ കഴുത്തിലൂടെ ഇഴഞ്ഞ് മുകളിലേക്ക് നീങ്ങുന്നതും തല ഉയര്‍ത്തിപ്പിടിച്ച് നില്‍ക്കുന്നതും വീഡിയോയില്‍ കാണാം. ഏറ്റവും വലിയ പാമ്പായ ഗ്രീന്‍ അനക്കോണ്ടയാണിത്. ‘എത്ര തൂക്കമുണ്ടാകും?’ എന്ന ചോദ്യത്തോടെയാണ് വീഡിയോ ഇന്‍സ്റ്റഗ്രാമില്‍ പോസ്റ്റു ചെയ്തിരിക്കുന്നത്. ഇതിന് 30 അടി വരെ നീളവും 227 കിലോ വരെ ഭാരവും ഉണ്ടാകാറുണ്ട്.
കടുവകള്‍, മുതലകള്‍, സ്രാവുകള്‍ തുടങ്ങിയ അപകടകാരികളായ ജീവികളുമായി അടുത്ത് ഇടപഴകാറുണ്ട് ഹോള്‍സ്റ്റണ്‍. സോഷ്യല്‍ മീഡിയയില്‍ ‘ദി റിയല്‍ ടാര്‍സന്‍’ എന്ന പേരിലാണ് ഹോള്‍സ്റ്റണ്‍ അറിയപ്പെടുന്നത്.
