കടലില് മണല് ഖനനം ചെയ്യാനുള്ള നീക്കത്തില് നിന്നും കേന്ദ്ര സര്ക്കാര് പിന്മാറണമെന്നാവശ്യപ്പെട്ട് മൽസ്യത്തൊഴിലാളികള്. കൊല്ലം തീരക്കടലില് മാത്രം മൂന്ന് മണല് ബ്ലോക്കുകള് ഖനനം ചെയ്യുന്നതിനുള്ള നടപടികളാണ് തുടങ്ങിയത്. ഇതിനെതിരെ ശക്തമായ പ്രക്ഷോഭത്തിനൊരുങ്ങുകയാണ് മത്സ്യത്തൊഴിലാളികള്. നിയമ പ്രകാരം സംസ്ഥാനത്തിന്റെ പരിധിയില് വരുന്നതാണ് ഈ പറയപ്പെടുന്ന പദ്ധതിപ്രദേശമെന്നും സ്റ്റേറ്റിനേയും ഈ മേഖലയില് പ്രവര്ത്തിക്കുന്ന സംഘടനകളേയും വിശ്വാസത്തിലെടുക്കാതെ കടല് വില്ക്കാനുള്ള കേന്ദ്ര സര്ക്കാരിന്റെ തീരുമാനം അപകടം പിടിച്ചതാണെന്നും സിഐടിയു മത്സ്യത്തൊഴിലാളി ഫെഡറേഷന് ജോയിന്റ് സെക്രട്ടറി പ്രതികരിച്ചു. മത്സ്യസമ്പത്ത് നശിപ്പിച്ച് തീരദേശത്തെ പട്ടിണിയിലാക്കുന്ന തീരുമാനം ഉപേക്ഷിക്കും വരെ സമരം തുടരുമെന്നാണ് സംഘടനകൾ വ്യക്തമാക്കുന്നത്.
