‘ജാന്.എ.മന്’, ‘ജയ ജയ ജയ ജയ ഹേ’, ‘ഫാലിമി’ എന്നീ ബ്ലോക്ക് ബസ്റ്റര് ചിത്രങ്ങള്ക്കു ശേഷം ചീയേഴ്സ് എന്റര്ടൈന്മെന്റ്സിന്റെ ബാനറില് ലക്ഷ്മി വാരിയരും ഗണേഷ് മേനോനും ചേര്ന്നു നിര്മിക്കുന്ന ‘ധീരന്’ സിനിമയുടെ ഫസ്റ്റ് ലുക്ക് പോസ്റ്റര് പുറത്തിറങ്ങി. ഭീഷ്മപര്വം എന്ന ഒറ്റ മെഗാഹിറ്റ് ചിത്രത്തിലൂടെ മലയാളികള്ക്കു സുപരിചിതനായ ദേവദത്ത് ഷാജി സംവിധാനം ചെയ്യുന്ന ചിത്രമാണ് ‘ധീരന്’. ചിത്രത്തിന്റെ രചനയും ദേവദത്ത് തന്നെയാണ്. രാജേഷ് മാധവന് നായകനാകുന്ന ധീരനില് ജഗദീഷ്, മനോജ് കെ ജയന്, ശബരീഷ് വര്മ, അശോകന്, വിനീത്, സുധീഷ്, അഭിരാം രാധാകൃഷ്ണന് എന്നിവരാണ് മറ്റ് കഥാപാത്രങ്ങളെ അവതരിപ്പിക്കുന്നത്. ഈ താരങ്ങള് അടങ്ങിയിട്ടുള്ള പോസ്റ്ററാണ് ഇപ്പോള് പുറത്തിറങ്ങിയിരിക്കുന്നത്. അന്തരിച്ച തിരക്കഥാകൃത്ത് ലോഹിതദാസിന്റെ മകന് ഹരികൃഷ്ണന് ലോഹിതദാസ് ആണ് ധീരന്റെ ഛായാഗ്രഹണം നിര്വഹിക്കുന്നത്.
