ഏക സിവിൽ കോഡിനെതിരെയുള്ള പ്രചാരണത്തിൽ ആദ്യ സംവാദം കോഴിക്കോട് സംഘടിപ്പിക്കും. അതോടൊപ്പം തലസ്ഥാനം കൊച്ചിക്ക് മാറ്റണമെന്ന ആവശ്യം ഉന്നയിച്ച ഹൈബി ഈഡനെതിരെ വലിയ വിമര്ശനമാണ് പാര്ട്ടിയില് തന്നെ ഉയര്ന്നത്. പാര്ട്ടിയോട് ആലോചിക്കാതെ നടത്തിയ നീക്കത്തിനെതിരെയായിരുന്നു വിമര്ശനം. സ്വകാര്യ ബില്ലിൽ നിന്ന് പിൻമാറാൻ ഹൈബിയെ ഫോണിൽ വിളിച്ച് പ്രിതിപക്ഷ നേതാവ് തന്നെ നേരിട്ട് ആവശ്യപ്പെട്ടിരുന്നു. ഹൈബി ഈഡന്റെ സ്വകാര്യ ബിൽ അനവസരത്തിലായിരുന്നു എന്ന് കെപിസിസി നേതൃയോഗത്തിൽ കൊടിക്കുന്നിൽ സുരേഷും പറഞ്ഞു.
