ഇലക്ട്രോണിക് വോട്ടിംഗ് മെഷീനില് ആരതി നടത്തിയ വനിതാ നേതാവിനെതിരെ കേസ്. എന്സിപി നേതാവും മഹാരാഷ്ട്ര സംസ്ഥാന വനിതാ കമ്മീഷന് അധ്യക്ഷയുമായ രൂപാലി ചക്കങ്കറിനെതിരെയാണ് തെരഞ്ഞെടുപ്പ് പെരുമാറ്റച്ചട്ട ലംഘനത്തിന് കേസെടുത്തിരിക്കുന്നത്. ഇവിഎമ്മിന് മുന്നില് രൂപാലി ചക്കങ്കര് ആരതി നടത്തിയത് വലിയ വിവാദമായിരുന്നു. പോളിംഗ് ബൂത്തില് നിന്നുള്ള ചിത്രങ്ങള് സാമൂഹ്യമാധ്യമങ്ങളില് പ്രചരിച്ചിരുന്നു.
