സ്വകാര്യ ടെലികോം കമ്പനികള് നിരക്ക് കൂട്ടി വരുമാനം വര്ധിപ്പിക്കുമ്പോള് ബിഎസ്എന്എല് വലിയ ഓഫറുമായി രംഗത്ത്. ഒരു രൂപയ്ക്ക് സിംകാര്ഡ് വാങ്ങുന്നവര്ക്ക് 24 ദിവസത്തേക്ക് അണ്ലിമിറ്റഡ് കോളും ദിവസം ഒരു ജിബി വീതം 24 ജിബി ഇന്റര്നെറ്റും 100 എസ്എംഎസും ഉള്പ്പെടുന്ന പാക്കേജാണ് ബിഎസ്എന്എല് പ്രഖ്യാപിച്ചത്. ജനപ്രിയമായ 2,399 രൂപയുടെ പ്ലാന് വൗച്ചര് റീച്ചാര്ജ് ചെയ്യുന്നവര്ക്ക് വാലിഡിറ്റി 365 ദിവസത്തില് നിന്ന് 412 ദിവസമായി വര്ധിക്കും. ഇതോടെ 47 ദിവസം അധിക വാലിഡിറ്റി ലഭിക്കും. ഈ ആനുകൂല്യം സെപ്തംബര് 12 വരെയാണ്. ഗ്രാമീണ മേഖലകളില് മാസം 259 രൂപ മുതലും നഗര മേഖലകളില് 449 രൂപ മുതലുമുള്ള വൈഫൈ പ്ലാനുകളും ആറു മാസ കാലാവധിയുള്ള 1,999 രൂപയുടെ ഫൈബര് എന്ട്രി പ്ലാനും ഓണത്തിന് പുറത്തിറക്കി. 200 എംബിപിഎസ് വേഗതയും 27 പ്രമുഖ ഒടിടി ചാനലുകളും ഉള്പ്പെടുന്ന എഫ്.ടി.ടി.എച്ച് 1199 രൂപയുടെ പ്ലാന് ആദ്യ ആറു മാസം പ്രതിമാസം 1,111 രൂപയ്ക്ക് ലഭിക്കും.
