മുന്‍ ധനമന്ത്രിയും സിപിഎം കേന്ദ്രകമ്മിറ്റി അംഗവുമായ തോമസ് ഐസക്കിന് കിഫ്ബി മസാല ബോണ്ട് കേസിൽ തിങ്കളാഴ്ച കൊച്ചി ഇ.ഡി ഓഫിസില്‍ ഹാജരാകാൻ നിര്‍ദേശിച്ചു കൊണ്ട് എൻഫോഴ്സ്മെന്റ് ഡയറക്ടറേറ്റിന്റെ നോട്ടിസ്. ചട്ടം ലംഘിച്ചു പണം വ‍കമാറ്റി ചെലവഴിച്ചതായി തെളിവുകളിൽ നിന്നു വ്യക്തമാണെന്നാണ് ഇഡിയുടെ നിലപാട്. എന്നാൽ കേരളത്തിലെ അടിസ്ഥാന സൗകര്യവികസന പ്രവർത്തനങ്ങൾക്കാണു കിഫ്ബിയിൽ നിന്നുള്ള പണം വിനിയോഗിച്ചതെന്നും വ്യവസ്ഥകളൊന്നും ലംഘിച്ചിട്ടില്ലെന്നുമാണ് കിഫ്ബിയുടെ നിലപാട്.