പ്രമുഖ തമിഴ്നടനും ഡിഎംഡികെ നേതാവുമായ വിജയകാന്ത് അന്തരിച്ചു. 71 വയസായിരുന്നു. കൊവിഡ് ബാധിതനായ അദ്ദേഹം ചെന്നൈയിലെ ഒരു സ്വകാര്യ ആശുപത്രിയില് ചികിത്സയിലിരിക്കെയാണ് മരണം. ഇനിക്കും ഇളമൈ എന്ന സിനിമയിലൂടെ സിനിമയിൽ എത്തിയ വിജയകാന്തിനെ ക്യാപ്റ്റന് എന്നാണ് ആരാധകര് വിളിച്ചിരുന്നത്. ഡിഎംഡികെ (ദേശീയ മുര്പോക്ക് ദ്രാവിഡ കഴകം) എന്ന രാഷ്ട്രീയ പാര്ട്ടിയുടെ സ്ഥാപക നേതാവായ അദ്ദേഹം രണ്ട് തവണ തമിഴ്നാട് നിയമസഭാംഗമായിരുന്നു. തമിഴ്നാട് നിയമസഭയില് പ്രതിപക്ഷ നേതാവുമായിരുന്നു.
