കോടഞ്ചേരി ആശുപത്രിയിൽ രോഗി ഡോക്ടറെ ആക്രമിച്ച സംഭവത്തിൽ കേസെടുത്ത് പൊലീസ്. കോടഞ്ചേരി സ്വദേശി റംജുവിനെതിരെയാണ് കേസെടുത്തിരിക്കുന്നത്. മർദ്ദനം, കയ്യേറ്റം ചെയ്യൽ,അസഭ്യം പറയൽ തുടങ്ങിയ കുറ്റങ്ങൾ ചുമത്തിയാണ് കേസ്. കോടഞ്ചേരിയിലെ സ്വകാര്യ ആശുപത്രിയില് ഇന്നലെ രാത്രി 12 മണിയോടെയാണ് സംഭവം നടന്നത്. ഡോക്ടർ സുസ്മിത്തിനെയാണ് ആക്രമിച്ചത്. അപകടത്തില് പരിക്കേറ്റെത്തിയ ഇയാള്ക്ക് പ്രാഥമിക ചികിത്സ നല്കി പറഞ്ഞയച്ചിരുന്നു. എന്നാല് മതിയായ ചികിത്സ നല്കിയില്ലെന്ന് പറഞ്ഞായിരുന്നു ആക്രമണം നടത്തിയത്.
