പള്സ് പോളിയോ ഇമ്മ്യൂണൈസേഷന് പരിപാടിയുടെ സംസ്ഥാനതല ഉദ്ഘാടനം നാളെ രാവിലെ പത്തനംതിട്ട ചെന്നീര്ക്കര കുടുംബാരോഗ്യ കേന്ദ്രത്തില് വച്ച് ആരോഗ്യ വകുപ്പ് മന്ത്രി വീണാ ജോര്ജ് നിര്വഹിക്കും. പള്സ് പോളിയോ ഇമ്മ്യൂണൈസേഷനായി സംസ്ഥാനം സജ്ജമായതായും, 5 വയസിന് താഴെയുള്ള 23,28,258 കുഞ്ഞുങ്ങള്ക്കാണ് പള്സ് പോളിയോ തുള്ളിമരുന്ന് നല്കാൻ ലക്ഷ്യമിടുന്നതെന്നും മന്ത്രി വീണാ ജോര്ജ് പറഞ്ഞു. എന്തെങ്കിലും കാരണത്താല് നാളെ തുള്ളിമരുന്ന് നല്കാന് സാധിക്കാത്ത കുഞ്ഞുങ്ങള്ക്ക് ഭവന സന്ദര്ശന വേളയില് തുള്ളിമരുന്ന് നല്കുന്നതാണ്. എല്ലാ രക്ഷാകര്ത്താക്കളും 5 വയസ് വരെയുള്ള എല്ലാ കുഞ്ഞുങ്ങള്ക്കും പോളിയോ തുള്ളിമരുന്ന് നല്കണമെന്ന് മന്ത്രി അഭ്യര്ത്ഥിച്ചു.
പൾസ് പോളിയോ ഇമ്മ്യൂണൈസേഷൻ നാളെ
