പൊലീസുകാരുടെ അധിക അവധിക്ക് നിയന്ത്രണം. തൃശൂർ റൂറൽ ജില്ലാ പൊലീസ് മേധാവി ഇതുസംബന്ധിച്ച ഉത്തരവ് പുറത്തിറക്കി. ലോക്സഭ തെരഞ്ഞെടുപ്പിന് മുന്നോടിയായി ആണ് ഈ നടപടി എന്നാണ് സൂചന. 15 ദിവസത്തിൽ കൂടുതലുള്ള എല്ലാ അപേക്ഷകളും DYSP മുഖാന്തരം സമർപ്പിക്കണo.
ഒരേ സ്റ്റേഷനിൽ നിന്നും നിരവധിപേർ അവധിക്കായി അപേക്ഷ സമർപ്പിക്കുന്നുണ്ട്. അവധിക്കായുള്ള അപേക്ഷ ലഭിച്ചാൽ അത് അത്യാവശ്യമാണോ എന്ന് പരിശോധിച്ച ശേഷം ജില്ലാ പോലീസ് മേധാവിയുടെ ഓഫീസിലേക്ക് അയക്കണം. അവധി കഴിഞ്ഞ് തിരികെ പ്രവേശിച്ചാൽ ലീവ് റോൾ സമർപ്പിക്കുകയും വേണം.മെഡിക്കൽ ഗ്രൗണ്ടിൽ അവധിയിൽ പ്രവേശിച്ചാൽ അത് അന്വേഷിച്ച് ഉറപ്പ് വരുത്തണo. അവധിഅപേക്ഷയുടെ വിശ്വാസ്യത പരിശോധിച്ച് ഉദ്യോഗസ്ഥർ റിപ്പോർട്ട് സമർപ്പിക്കണം എന്നും ഉത്തരവിൽ പറയുന്നു.