ആലപ്പുഴ കരുവാറ്റയില്‍ ഉദ്ഘാടന യാത്രയിൽ ചങ്ങാടം മറിഞ്ഞു

ആലപ്പുഴ കരുവാറ്റയില്‍ ഉദ്ഘാടന യാത്രയ്ക്കിടെ ചങ്ങാടം മറിഞ്ഞു. നാല് വീപ്പകള്‍ ചേര്‍ത്തുവെച്ച് അതിനു മുകളില്‍ പ്ലാറ്റ്ഫോം കെട്ടിയായിരുന്നു ചങ്ങാടം നിര്‍മിച്ചത്. ആദ്യം പഞ്ചായത്ത് പ്രസിഡന്‍റ് ഉദ്ഘാടനം ചെയ്ത ചങ്ങാടം മറുകരയിലേക്ക് പോയി. മറുകരയില്‍ വെച്ച് പഞ്ചായത്ത് വൈസ് പ്രസിഡൻറും ഉദ്ഘാടനം ചെയ്തു. ഒരു കര പഞ്ചായത്ത് പ്രസിഡന്റിന്റെയും മറുകര പഞ്ചായത്ത് വൈസ് പ്രസിഡന്റിന്റെയും വാർഡിലാണ്. തിരികെ വരുമ്പോള്‍ കുറച്ച് നാട്ടുകാരും ചങ്ങാടത്തില്‍ കയറിയതിനെ തുടർന്ന് ബാലന്‍സ് തെറ്റി ചങ്ങാടം കീഴ്മേല്‍ മറിയുകയായിരുന്നു.