പ്രധാനമന്ത്രി നരേന്ദ്ര മോദിയുടെ സന്ദര്ശനത്തിനു മുന്നോടിയായി കേന്ദ്രവും മണിപ്പുര് സര്ക്കാരും കുക്കി-സോ ഗ്രൂപ്പുകളുമായി പുതിയ കരാറില് ഒപ്പുവെച്ചു. വ്യാഴാഴ്ച ന്യൂഡല്ഹിയില്നടന്ന ചര്ച്ചകള്ക്കിടെയാണ് പുതിയ കരാറില് ഒപ്പുവെച്ചത്. ദേശീയപാത-2 വീണ്ടും തുറക്കുക എന്നതാണ് കരാറിലെ പ്രധാന വ്യവസ്ഥ. മണിപ്പുരില് സമാധാനം പുനഃസ്ഥാപിക്കുന്നതിന്റെ ഭാഗമായുള്ള പ്രധാന നീക്കമാണിത്.
