സംസ്ഥാനത്ത് കോൺഗ്രസിനെ കൂട്ടുപിടിച്ച് എൽഡിഎഫിനെ തകർക്കാൻ ബിജെപി ശ്രമിക്കുന്നുവെന്ന് മുഖ്യമന്ത്രി പിണറായി വിജയൻ

സംസ്ഥാനത്ത് കോൺഗ്രസിനെ കൂട്ടുപിടിച്ച് എൽഡിഎഫിനെ തകർക്കാൻ ബിജെപി ശ്രമിക്കുന്നുവെന്ന് മുഖ്യമന്ത്രി പിണറായി വിജയൻ. കേരളത്തിനെയാണ് ഇവർ നേരിടുന്നതെന്നും അല്ലാതെ എൽഡിഎഫിനെയല്ലെന്നും പറഞ്ഞ അദ്ദേഹം നാടിന്റെ വികസം തടയാനാണ് ഇവർ ശ്രമിക്കുന്നതെന്നും കുറ്റപ്പെടുത്തി. ഇടത് മുന്നണിക്ക് തുടർഭരണം കിട്ടിയതിന്റെ വലിയ നിരാശ ഇപ്പോഴും കോൺഗ്രസിനും യുഡിഎഫിനും ഉണ്ട്. വികസന പ്രവർത്തനങ്ങൾ ഒന്നും നടക്കാൻ പാടില്ലെന്ന് അവർക്ക് നിർബന്ധമാണ്.ജനങ്ങളിൽ ആശയ കുഴപ്പം ഉണ്ടാക്കുകയും ജനങ്ങളിൽ ഉള്ള വിശ്വാസ്യത തകർക്കുകയുമാണ് അവരുടെ ലക്ഷ്യം. അതിനുള്ള നല്ല വഴി ഒന്നിന് പുറകെ ഒന്നായി ആരോപണങ്ങൾ ഉന്നയിക്കുക എന്ന രീതിയാണ്. തുടക്കം മുതൽ ഉള്ള സമീപനം ആണ് രണ്ടാം എൽഡിഎഫ് സർക്കാരിനോട് സ്വീകരിച്ചത്. ഇതിന് മുൻപ് തന്നെ ബിജെപിയുമായി അന്തർധാര സജീവമായിരുന്നു എന്നും അദ്ദേഹം പറഞ്ഞു.