വിരമിക്കൽ പ്രഖ്യാപനം പിൻവലിച്ച് ബംഗ്ലാദേശ് താരം തമീം ഇഖ്ബാൽ

രാജ്യാന്തര ക്രിക്കറ്റിൽ നിന്ന് വിരമിക്കൽ പ്രഖ്യാപിച്ച് മണിക്കൂറുകൾക്കകം, പ്രഖ്യാപനം പിൻവലിച്ച് ബംഗ്ലാദേശ് താരം തമീം ഇഖ്ബാൽ. ബംഗ്ലാദേശ് പ്രധാനമന്ത്രി ഷെയ്ഖ് ഹസീനയുടെ ഇടപെടലിനെ തുടർന്നാണ് തീരുമാനം പിൻവലിച്ചത്. അഫ്ഗാനിസ്താനെതിരായ മൂന്ന് മത്സരങ്ങളുടെ ഏകദിന പരമ്പരയിലെ ഉദ്ഘാടന മത്സരത്തിൽ ടീം തോറ്റതിന് പിന്നാലെയാണ് 34 കാരനായ തമീം വിരമിക്കൽ പ്രഖ്യാപിക്കുന്നത്.16 വർഷത്തെ കരിയറിൽ 70 ടെസ്റ്റുകൾ കളിച്ച ഇഖ്ബാൽ 10 സെഞ്ചുറികളും ഒരു ഡബിൾ സെഞ്ചുറിയും ഉൾപ്പെടെ 5134 റൺസ് നേടിയിട്ടുണ്ട്. 241 ഏകദിന മത്സരങ്ങളിൽ നിന്ന് 14 സെഞ്ചുറികളടക്കം 8313 റൺസാണ് താരം നേടിയത്. വിരാട് കോലിക്കും രോഹിത് ശർമ്മയ്ക്കും പിന്നിൽ നിലവിലെ താരങ്ങളിൽ ഏറ്റവും കൂടുതൽ റൺസ് നേടുന്ന മൂന്നാമത്തെ താരം കൂടിയാണ് അദ്ദേഹം.