മനുഷ്യാവസ്ഥയിങ്ങനെ എന്ന് അനുഭവിപ്പിക്കുന്ന കൃതി. ‘പ്രതി ജന ഭിന്ന’ വിചിത്രമെങ്കിലും ആ അനുഭവമാര്‍ഗ്ഗങ്ങളെല്ലാം സഹജീവികളുടെ സഹജാനുഭൂതിയായി പരിണമിക്കുന്നു. ഇങ്ങനെ പരിണാമ രമണീയമായ വൃത്താന്ത പരിതോവസ്ഥകളും ഗൃഹാതുര വാങ്മയങ്ങളുംകൊണ്ട് ഈ ആത്മകൃതിക്ക് വായനക്കാരില്‍ ഇടം കിട്ടുന്നു. എഴുതിയേ തീരൂ എന്ന അനിവാര്യതയില്‍ നിന്നാണ് ഈ വര്‍ണ്ണജാലകക്കാഴ്ചകള്‍ ആവിഷ്‌കരിച്ചിട്ടുള്ളത്. അജയന്‍ അനുഭവിച്ച സങ്കടങ്ങളും ധര്‍മ്മസങ്കടങ്ങളും ആഹ്ലാദങ്ങളും മാതൃപ്രതിഷ്ഠയുടെയും പിതൃപ്രതിഷ്ഠയുടെയും വഴികളിലൂടെ കണ്ട അടുപ്പങ്ങളും അകലങ്ങളുമെല്ലാം യൗവനതീക്ഷ്ണമായ ഒരു ഭാവുകത്വത്തിലൂടെ ആവിഷ്‌കരിക്കുന്നുവെന്നതാണ് ഈ ആത്മരചനയുടെ നേട്ടം. ‘വര്‍ണ്ണജാലകങ്ങള്‍’. ഡോ എന്‍. അജയന്‍ കൂടല്‍. ഗ്രീന്‍ ബുക്‌സ്. വില 152 രൂപ.