ഇന്റര്നെറ്റ് കണക്റ്റിവിറ്റിയോ സ്മാര്ട്ട്ഫോണോ ഇല്ലാതെ തന്നെ ഫീച്ചര് ഫോണുകള് വഴി യുപിഐ ഇടപാടുകള് നടത്താന് സഹായിക്കുന്ന ഫോണ്പേ യുപിഐ 123 പേ സേവനത്തിന് തുടക്കം കുറിച്ചു. ഇന്ത്യയിലെ ദശലക്ഷക്കണക്കിന് ഫീച്ചര് ഫോണ് ഉപയോക്താക്കള്ക്ക് ഡിജിറ്റല് പണമിടപാടുകള് കൂടുതല് സുഗമമാക്കുക എന്ന ലക്ഷ്യത്തോടെയാണ് ഈ പുതിയ സേവനം അവതരിപ്പിച്ചിരിക്കുന്നത്. എസ്എംഎസ്, ഐവിആര് സാങ്കേതികവിദ്യ എന്നിവ അടിസ്ഥാനമാക്കിയാണ് ഇത് പ്രവര്ത്തിക്കുന്നത്. ഇതുവഴി ഇന്റര്നെറ്റ് ലഭ്യമല്ലാത്ത ഗ്രാമീണ മേഖലകളിലും മറ്റും തടസ്സങ്ങളില്ലാതെ പണമിടപാടുകള് നടത്താന് സാധിക്കും. ഇരുപത് കോടി ഫീച്ചര് ഫോണുകളില് ഇതിന്റെ പ്രയോജനം ലഭിക്കും. സാധാരണ സ്മാര്ട്ട് ഫോണില് ഫോണ് പേയില് ലഭ്യമാകുന്ന എല്ലാ ഫീച്ചറുകളും ഇന്റര്നെറ്റ് ഇല്ലാത്ത ഫോണുകളില് ലഭിക്കും. ഉദാഹരണമായി കടകകളില് കയറി സ്കാന് ചെയ്ത് പണം കൈമാറുക, വ്യക്തികള്ക്ക് പണം കൈമാറ്റം, ട്രാന്സ്ക്ഷന് ഹിസ്റ്ററി തുടങ്ങിയവയെല്ലാം ലഭ്യമാകും.