നീലേശ്വരം ക്ഷേത്രത്തില് കളിയാട്ട മഹോത്സവത്തിനിടെ ഉണ്ടായ വെടിക്കെട്ട് അപകടത്തില് സ്വമേധയാ കേസെടൂത്ത് മനുഷ്യാവകാശ കമ്മീഷന് . 15 ദിവസത്തിനകം റിപ്പോര്ട്ട് നല്കാന് ജില്ലാ കളക്ടര്ക്കും എസ്പിക്കും കമ്മീഷന് നിര്ദേശം നല്കി. കാസര്കോട് നടക്കുന്ന അടുത്ത സിറ്റിംഗില് കേസ് പരിഗണിക്കും. അതോടൊപ്പം സംഭവത്തില് ഒരാൾ കൂടി അറസ്റ്റിലായി. നീലേശ്വരം കൊട്രച്ചാൽ സ്വദേശി വിജയൻ ആണ് പിടിയിലായത്. പടക്കം പൊട്ടിക്കാൻ കൂടെ ഉണ്ടായിരുന്ന ആളാണിത്. ഇതോടെ അറസ്റ്റിലായവരുടെ എണ്ണം നാലായി. എക്സ്പ്ലോസീവ് സബ്സ്റ്റന്സ് ആക്റ്റ്, ബിഎന്എസ് എന്നിവയിലെ വിവിധ വകുപ്പുകള് ചേര്ത്ത് കേസെടുത്ത് അന്വേഷണം തുടരുകയാണ്.
