രജനികാന്ത് നായികനായി എത്തുന്ന ഏറ്റവും പുതിയ ചലച്ചിത്രം വേട്ടയ്യനിലെ ‘മനസിലായോ’ ഗാനം റിലീസ് ചെയ്തു. തമിഴും മലയാളവും കലര്‍ന്ന ഗാനത്തിന് സംഗീതം ഒരുക്കിയിരിക്കുന്നത് അനിരുദ്ധ് ആണ്. സൂപ്പര്‍ സുബു, വിഷ്ണു എടവന്‍ എന്നിവര്‍ ചേര്‍ന്ന് എഴുതിയ ഗാനം ആലപിച്ചിരിക്കുന്നത് അന്തരിച്ച ഗായകന്‍ മലേഷ്യ വാസുദേവന്‍, യുഗേന്ദ്രന്‍ വാസുദേവന്‍, അനിരുദ്ധ് രവിചന്ദര്‍, ദീപ്തി സുരേഷ് എന്നിവര്‍ ചേര്‍ന്നാണ്. മലേഷ്യ വാസുദേവന്റെ ശബ്ദം എഐ സാങ്കേതികവിദ്യ ഉപയോഗിച്ച് ഉള്‍പ്പെടുത്തിയത്. ഫെസ്റ്റിവല്‍ മോഡില്‍ എത്തിയ ഗാനത്തില്‍ രജനികാന്തിനൊപ്പം തകര്‍ത്താടുന്ന മഞ്ജുവാര്യരെ കാണാനാകും.
