കോഴിക്കോട് എലത്തൂരില് ട്രെയിനില് യാത്രക്കാര്ക്ക് നേരെ തീകൊളുത്തി ആക്രമണം നടത്തിയ കേസില് പ്രതി കസ്റ്റഡിയിലെന്ന വാര്ത്ത തള്ളി ഭീകരവിരുദ്ധ സ്ക്വാഡ് ഐജി എ.വിജയന്. പ്രതി എടിഎസിന്റെ കസ്റ്റിഡിയില് ഇല്ലെന്ന് ഐജി വ്യക്തമാക്കി. കേസില് 18 അംഗ പ്രത്യേക സംഘത്തിന് സംസ്ഥാന പൊലീസ് മേധാവി രൂപം നല്കിയിട്ടുണ്ട്. മലപ്പുറം ക്രൈംബ്രാഞ്ച് എസ്പി പി.വിക്രമന് ആണ് പ്രത്യേക അന്വേഷണസംഘത്തിന്റെ തലവന്. ക്രമസമാധാന ചുമതലയുള്ള എഡിജിപി എം ആര് അജിത് കുമാറിന്റെ മേല്നോട്ടത്തിലാണ് അന്വേഷണം നടക്കുന്നത്.
