കേരളത്തിലെത്തുന്ന സഞ്ചാരികൾക്ക് ശ്രീനാരായണ ഗുരുവിന്റെ ആശയങ്ങള് പകര്ന്നു നല്കാൻ മൈക്രോസൈറ്റ് രൂപീകരിക്കുമെന്ന് ടൂറിസം വകുപ്പ് മന്ത്രി പി എ മുഹമ്മദ് റിയാസ്. ശിവഗിരി തീര്ത്ഥാടനവുമായി ബന്ധപ്പെട്ട വിദ്യാര്ത്ഥി യുവജന സമ്മേളനത്തിലാണ് മന്ത്രിയുടെ പ്രഖ്യാപനം. ശ്രീനാരായണഗുരുവിന്റെ സന്ദേശങ്ങള് ഉള്ളടക്കം ചെയ്ത വിവിധ ഭാഷകളില് ഉള്ള മൈക്രോസൈറ്റ് ആണ് ടൂറിസം വകുപ്പ് സജ്ജമാക്കുകയെന്നും , ഗുരുവിനെ കുറിച്ച് അറിയാനും ഗുരുവിന്റെ നവോത്ഥാനപ്രവര്ത്തനങ്ങളെ കുറിച്ച് അറിയാനും കഴിയുന്ന ഒന്നായി ശ്രീനാരായണ ഗുരു മൈക്രോസൈറ്റിനെ വികസിപ്പിക്കുമെന്നും അദ്ദേഹം പറഞ്ഞു. ശ്രീനാരായണ ഗുരു എന്തിനെതിരെയാണോ പോരാടിയത് , അത് ഇപ്പോഴും സമൂഹത്തില് തുടരണം എന്ന് ആഗ്രഹിക്കുന്നവര് ഗുരുവിനെ തെറ്റായി വ്യാഖ്യാനിക്കുവാന് ശ്രമിക്കുന്ന കാലം ആണ് ഇതെന്നും മന്ത്രി കൂട്ടിച്ചേർത്തു.
