പാര്ലമെന്റിന്റെ ശീതകാലസമ്മേളനത്തിന് ഇന്ന് തുടക്കമാകും. അടുത്ത മാസം ഇരുപത് വരെയാണ് സമ്മേളനത്തിൻ്റെ കാലയളവ്. വഖഫ് നിയമ ഭേദഗതി ബില് പാസാക്കാനും, ഒരു രാജ്യം ഒരു തെരഞ്ഞെടുപ്പ് ബില്ലടക്കം 15 സുപ്രധാന ബില്ലുകള് അവതരിപ്പിക്കാനുമാണ് സര്ക്കാർ തീരുമാനം. വഖഫില് ജെപിസിയുടെ കാലാവധി നീട്ടണമെന്നും കൂടുതല് ചര്ച്ചകള് വേണമെന്നുമുള്ള പ്രതിപക്ഷ ആവശ്യം സര്ക്കാര് തള്ളിയിരുന്നു. അതോടൊപ്പം അദാനി വിവാദത്തില് പ്രതിപക്ഷത്തിന്റെ പ്രതിഷേധം കൂടുതല് ശക്തമാക്കിയേക്കും.
