ദിലീപിനെ നായകനാക്കി, ശ്രീ ഗോകുലം മൂവീസിന്റെ ബാനറില് ഗോകുലം ഗോപാലന് നിര്മിക്കുന്ന ‘ഭഭബ’യുടെ ട്രെയിലര് പുറത്ത്. ധനഞ്ജയ് ശങ്കര് എന്ന നവാഗതന് സംവിധാനം ചെയ്ത ചിത്രം 2025 ഡിസംബര് 18 നാണ് ആഗോള റിലീസായി എത്തുക. ദിലീപിനൊപ്പം വിനീത് ശ്രീനിവാസന്, ധ്യാന് ശ്രീനിവാസന് എന്നിവരും ഒത്തുചേരുന്ന ഈ തകര്പ്പന് മാസ് കോമഡി ആക്ഷന് എന്റര്ടെയ്നര് ചിത്രത്തില്, അതിഥി വേഷത്തില് മോഹന്ലാലും എത്തുന്നുണ്ട്. ‘വേള്ഡ് ഓഫ് മാഡ്നെസ്സ്’ എന്ന ടാഗ് ലൈനോടെയാണ് ചിത്രം അവതരിപ്പിക്കുന്നത്. ഭയം ഭക്തി ബഹുമാനം എന്നതിന്റെ ചുരുക്ക രൂപമായിട്ടാണ് ‘ഭഭബ’എന്ന ടൈറ്റിലോടെ ചിത്രമെത്തുന്നത്. ചിത്രം ഫാഹിം സഫര്, നൂറിന് ഷെരീഫ് എന്നിവര് ചേര്ന്നാണ് രചിച്ചിരിക്കുന്നത്. സിദ്ധാര്ഥ് ഭരതന്, ബൈജു സന്തോഷ് , ബാലു വര്ഗീസ്, സലിം കുമാര്, അശോകന്, ദേവന്, ബിജു പപ്പന്, ജി. സുരേഷ് കുമാര്, നോബി, വിജയ് മേനോന്, റിയാസ് ഖാന്, സെന്തില് കൃഷ്ണാ, റെഡിന് കിംഗ്സിലി, ഷമീര് ഖാന്, ഷിന്സ്, ശരണ്യ പൊന് വണ്ണന്, നൂറിന് ഷെറീഫ്, ധനശ്രീ, ലങ്കാ ലഷ്മി, കോറിയോഗ്രാഫര് സാന്റി എന്നിവരും ചിത്രത്തിന്റെ താരനിരയിലുണ്ട്.
