സുധി മാഡിസണ് സംവിധാനം ചെയ്യുന്ന പുതിയ ചിത്രമായ ‘ധൂമകേതു’വിന്റെ രസകരമായ ട്രെയിലര് പുറത്ത്. സജിന് ഗോപുവും നിഖില വിമലും ശ്രദ്ധേയ വേഷങ്ങളില് എത്തുന്ന ചിത്രം സെപ്റ്റംബര് 25-ന് തിയേറ്ററുകളിലെത്തും. വേറിട്ട ടൈം ട്രാവല് ചിത്രമാണെന്ന സൂചന നല്കിയിരിക്കുന്നതാണ് ട്രെയിലര്. ‘ധൂമകേതു’ സിനിമയുടെ ഫസ്റ്റ് ലുക്ക് പോസ്റ്റര് ഏവരും ഏറ്റെടുത്തിരുന്നു. സജിന് ഗോപു, നിഖില വിമല്, ഷൈന് ടോം ചാക്കോ, ഗണപതി, സിദ്ധാര്ഥ് ഭരതന് തുടങ്ങിയവരാണ് ചിത്രത്തിലെ പ്രധാന താരങ്ങള്. സമീര് താഹിര്, ഷൈജു ഖാലിദ്, സജിന് അലി, അബ്ബാസ് തിരുനാവായ എന്നിവര് ചേര്ന്ന് നിര്മിക്കുന്ന ചിത്രത്തിന്റെ രചന നിര്വ്വഹിച്ചിരിക്കുന്നത് സോണിയും മനുവും ചേര്ന്നാണ്.