പ്രമുഖ വാഹന നിര്മ്മാതാക്കളായ മഹീന്ദ്ര അവരുടെ എക്സ് യുവി 3എക്സ്ഒ റേവ്എക്സ് ശ്രേണി വിപുലീകരിച്ച് പുതിയ മോഡല് വിപണിയില് അവതരിപ്പിച്ചു. റേവ്എക്സ് എഡ്ജ് എന്ന പേരിലുള്ള പുതിയ മോഡലിന് 9.39 ലക്ഷം രൂപ മുതലാണ് വില ആരംഭിക്കുന്നത്. ഇതിനോടൊപ്പം റേവ്എക്സ് എഡ്ജ് (ഒ) വേരിയന്റും റേവ്എക്സ് എം(ഒ) യുടെ പെട്രോള് ഓട്ടോമാറ്റിക് വേരിയന്റും അവതരിപ്പിച്ചിട്ടുണ്ട്. റേവ്എക്സ് എഡ്ജ് മാനുവല്, ഓട്ടോമാറ്റിക് ട്രാന്സ്മിഷനുകളുള്ള 1.2 ലിറ്റര് ടര്ബോ പെട്രോള് എന്ജിനിലും 1.5 ലിറ്റര് ടര്ബോ ഡീസല് എന്ജിന് മാനുവല്, എഎംടി ഓപ്ഷനുകളിലും ലഭ്യമാണ്. ഡ്യുവല് ടോണ് റൂഫ്, ബോഡി കളറിലുള്ള ഗ്രില്, ബ്ലാക്ക് വീല് കവറുകള്, എല്ഇഡി സിഗ്നേച്ചര് ലാമ്പുകള്, എല്ഇഡി ടെയില് ലാമ്പുകള് എന്നിവയാണ് ഇതിന്റെ പ്രത്യേകതകള്. എവറസ്റ്റ് വൈറ്റ്, സ്റ്റെല്ത്ത് ബ്ലാക്ക്, ടാംഗോ റെഡ്, നെബുല ബ്ലൂ, ഗാലക്സി ഗ്രേ എന്നി നിറങ്ങളിലാണ് ഈ പുതിയ വേരിയന്റ് വിപണിയില് എത്തുക.