വ്യത്യസ്ത മേഖലകളെ പ്രതിനിധാനം ചെയ്യുന്നവരെ പ്രത്യേകമായി വിളിച്ച് ജനകീയ സംവാദങ്ങളും മുഖാമുഖ ചര്ച്ചകളും തുടരുമെന്ന് മുഖ്യമന്ത്രി പിണറായി വിജയന്. ആദ്യഘട്ടമെന്ന നിലയില് പത്തു കേന്ദ്രങ്ങളില് വ്യത്യസ്ത മേഖലയിലുള്ളവരെ ഉള്പ്പെടുത്തി മുഖാമുഖ പരിപാടി നടത്തും. ഫെബ്രുവരി 18 മുതല് മാര്ച്ച് 3 വരെ വിവിധ ജില്ലകളിലായി നടക്കുന്ന മുഖാമുഖം പരിപാടികളില് ഓരോ മേഖലയിലും അനിവാര്യമായ നവകേരള കാഴ്ചപ്പാടുകള് വിശദമായി അവതരിപ്പിക്കുകയും ചര്ച്ച ചെയ്യുകയും ചെയ്യും. വിദ്യാര്ഥികള്, യുവജനങ്ങള്, മഹിളകള്, ഭിന്നശേഷിക്കാര്, ആദിവാസികള്, ദളിത് വിഭാഗങ്ങള്, സാംസ്കാരിക പ്രവര്ത്തകര്, പെന്ഷന്കാര് / വയോജനങ്ങള്, തൊഴില് മേഖലയിലുള്ളവര്, കാര്ഷിക മേഖലയിലുള്ളവര്, റസിഡന്സ് അസോസിയേഷന് പ്രതിനിധികള് എന്നിവരുമായുള്ള മുഖാമുഖം പരിപാടിയാണ് ഇങ്ങനെ നടക്കുകയെന്നും മുഖ്യമന്ത്രി പറഞ്ഞു.
