കര്ണാടകയിലെ ഷിരൂരില് ദേശീയപാതയിലുണ്ടായ മണ്ണിടിച്ചിലില് കുടുങ്ങിയ ഡ്രൈവര് അര്ജുനെ കണ്ടെത്താന് സൈന്യമിറങ്ങും. കര്ണാടക സര്ക്കാര് ഔദ്യോഗികമായി സൈനിക സഹായം തേടി. ബെലഗാവി ക്യാമ്പിൽ നിന്നുളള 40 പേരടങ്ങുന്ന സൈനിക സംഘമായിരിക്കും ഇന്ന് ഷിരൂരിലെത്തുക. അൽപ്പ സമയത്തിനും സൈന്യം എത്തുമെന്നാണ് വിവരം. തുടര്ന്ന് രക്ഷാപ്രവര്ത്തനം ഏറ്റെടുക്കും. അതേസമയം, തെരച്ചലിന് ഐഎസ്ആര്ഒയുടെ സഹായവും തേടിയിട്ടുണ്ട്. ഉപഗ്രഹ ചിത്രങ്ങളുടെ സഹായത്തോടെ ലോറിയുള്ള സ്ഥലം കണ്ടെത്താനുള്ള സാധ്യത ഉള്പ്പെടെയാണ് തേടുന്നത്.
