ട്രംപിന്റെ ഇറക്കുമതി താരിഫ് നയത്തിനെക്കുറിച്ചും റഷ്യ-യുക്രെയിന് യുദ്ധത്തെക്കുറിച്ചും ചര്ച്ച ചെയ്തു പ്രമേയം പാസാക്കുന്ന സിപിഎം സംസ്ഥാന സമ്മേളനം എന്തു കൊണ്ട് കേരളത്തെ വരിഞ്ഞുമുറുക്കുന്ന ലഹരിമാഫിയയെക്കുറിച്ച് ചര്ച്ച ചെയ്യുന്നില്ലെന്ന് രമേശ് ചെന്നിത്തല. ഇതേക്കുറിച്ച് ചര്ച്ച ചെയ്യാതെ, കേരളത്തെയും സിപിഎമ്മിനെയും യാതൊരു തരത്തിലും ബാധിക്കാത്ത ആഗോളരാഷ്ട്രീയം ചര്ച്ച ചെയ്തു കയ്യടി വാങ്ങിയിട്ട് എന്തു കാര്യമെന്നും ലഹരിമരുന്നിനെക്കുറിച്ച് ചര്ച്ച ചെയ്യാന് സിപിഎം സംസ്ഥാന നേതൃത്വത്തിന് ഭയമാണ്, കാരണം അതേക്കുറിച്ച് ചര്ച്ച ചെയ്താല് ഈ ഭീകരാവസ്ഥയ്ക്കു അറുതി വരുത്താന് കഴിയാത്ത ഭരണപരാജയത്തെക്കുറിച്ച് ചര്ച്ച ചെയ്യേണ്ടിവരുമെന്നും പിണറായി വിജയന് സര്ക്കാര് പരാജയമാണെന്നു സമ്മതിക്കേണ്ടി വരുമെന്നും ഇതൊക്കെ ഒഴിവാക്കി കണ്ണടച്ച് ഇരുട്ടാക്കുകയാണ് ഈ സിപിഎം സംസ്ഥാന സമ്മേളനമെന്നും ചെന്നിത്തല പരിഹസിച്ചു.
