രാജീവ് ചന്ദ്രശേഖറിനു ഇനി പുതിയ ദൗത്യം. കേന്ദ്ര നേതൃത്വത്തിന്റെ തീരുമാനമാണ് നിർണായകമായത്. പാര്ട്ടിയുടെ അടിസ്ഥാന വോട്ടുകള്ക്ക് പുറമെ കൂടുതല് വിഭാഗങ്ങളിലേക്ക് എത്താനാകുമോയെന്ന പരീക്ഷണമാണ് രാജീവ് ചന്ദ്രശേഖറിലൂടെ ബിജെപി കേന്ദ്ര നേതൃത്വം നടത്തുന്നത്. സംസ്ഥാന നേതാക്കള്ക്കിടയില് ഒറ്റപേരിലേക്ക് എത്താനാവാത്ത സാഹചര്യത്തില് കൂടിയാണ് കേന്ദ്ര നേതാക്കളുടെ തീരുമാനം നിര്ണ്ണായകമായത്. ക്രൈസ്തവ സഭ നേതാക്കളുമായുള്ള അടുത്ത ബന്ധവും രാജീവ് ചന്ദ്രശേഖറെ പരിഗണിക്കുന്നതിന് കാരണമായി.ബിജെപി സംസ്ഥാന അധ്യക്ഷന്റെ പ്രഖ്യാപനം പാര്ട്ടി ഘടകത്തിലെ അഭിപ്രായ ഭിന്നതകള് കൊണ്ടു കൂടിയാണ് ഇത്രയും നീണ്ടത്.
