വയനാട് മേപ്പാടി മുണ്ടക്കൈ,ചൂരല്മല തുടങ്ങിയ പ്രദേശങ്ങളിലുണ്ടായ ഉരുള്പ്പൊട്ടല് കേരളത്തെ ഞെട്ടിച്ചെന്ന് കെപിസിസി പ്രസിഡന്റ് കെ.സുധാകരന് എംപി. ഉരുള്പ്പൊട്ടലിന്റെ പശ്ചാത്തലത്തില് രണ്ടുദിവസത്തെ കോണ്ഗ്രസിന്റെ എല്ലാ ഔദ്യോഗിക പരിപാടികളും മാറ്റിവെച്ച് കോണ്ഗ്രസിന്റെ എല്ലാ പ്രവര്ത്തകരും കൈമെയ് മറന്ന് ദുരിതാശ്വാസ പ്രവര്ത്തനങ്ങള്ക്ക് രംഗത്തിറങ്ങണമെന്ന് സുധാകരന് ആഹ്വാനം ചെയ്തു. സംസ്ഥാനത്തെ വിവിധ ഇടങ്ങളിലുള്ള പ്രകൃതിദുരന്തങ്ങളില് അകപ്പെട്ടവര്ക്ക് സഹായമെത്തിക്കാനുള്ള രക്ഷാപ്രവര്ത്തനങ്ങളില് കോണ്ഗ്രസിന്റെ പ്രവര്ത്തകരുടെ സജീവ പങ്കാളിത്തം ഉറപ്പാക്കണമെന്നും കെ.സുധാകരന് ആവശ്യപ്പെട്ടു.
