മലയാള സാഹിത്യലോകം കണ്ട ഏറ്റവും മികച്ച സാഹിത്യ വിമര്ശകരില് ഒരാളായ പ്രൊഫ. എം കെ സാനു അന്തരിച്ചു. എറണാകുളത്തെ അമൃത ആശുപത്രിയില് ചികിത്സയിലിരിക്കെ വൈകുന്നേരം 5.35 നാണ് മരണം സംഭവിച്ചത്. 99 വയസായിരുന്നു. വീട്ടില് വെച്ച് ഉണ്ടായ ഒരു വീഴ്ചയെ തുടര്ന്നാണ് അദ്ദേഹത്തെ ആശുപത്രിയില് പ്രവേശിപ്പിച്ചത്. പിന്നീട് ന്യുമോണിയ ബാധിക്കുകയായിരുന്നു. എഴുത്തുകാരന്, പ്രഭാഷകന്, ചിന്തകന് എന്നിങ്ങനെ വ്യത്യസ്ത തലങ്ങളില് അദ്ദേഹം സംഭാവനകൾ നല്കിയിട്ടുണ്ട്. മഹാരാജാസ് കോളേജ് ഉൾപ്പെടെയുള്ള സംസ്ഥാനത്തെ വിവിധ കോളേജുകളില് അധ്യാപകനായി പ്രവര്ത്തിച്ചിട്ടുണ്ട്.1987 ല് എറണാകുളത്തിന്റെ എംഎല്എ ആയി സേവനം അനുഷ്ഠിച്ചിട്ടുണ്ട്. കേന്ദ്ര സാഹിത്യ അക്കാദമി പുരസ്കാരം, കേരള സാഹിത്യ അക്കാദമി പുരസ്കാരം, വയലാര് അവാര്ഡ്, എഴുത്തച്ഛന് പുരസ്കാരം ഉള്പ്പെടെ നിരവധി അവാര്ഡുകൾ നേടിയിട്ടുണ്ട്.
