ദുഃഖ വെള്ളിയും ഈസ്റ്ററും പ്രവൃത്തി ദിനങ്ങളായി പ്രഖ്യാപിച്ച മണിപ്പൂര് സര്ക്കാരിന്റെ നടപടി ഞെട്ടിക്കുന്നതാണെന്ന് പ്രതിപക്ഷ നേതാവ് വിഡിസതീശന്. മണിപ്പുരില് നൂറുകണക്കിന് പേര് കൊല ചെയ്യപ്പെടുകയും മുന്നൂറോളം ക്രൈസ്തവ ദേവാലയങ്ങള് കത്തിക്കുകയും മത സ്ഥാപനങ്ങള് തകര്ക്കുകയും പതിനായിരങ്ങള് പലായനം ചെയ്യുകയും ചെയ്ത സംസ്ഥാനത്തെ ജനങ്ങള്ക്ക് അരക്ഷിതത്വം നല്കിക്കൊണ്ടാണ് സംഘപരിവാര് സര്ക്കാര് അവധി ദിനങ്ങള് ഇല്ലാതാക്കിയത്. ഇതൊക്കെ ചെയ്യുന്നവരാണ് ആട്ടിന് തോലിട്ട ചെന്നായ്ക്കളെ പോലെ കേരളത്തില് കേക്കുമായി ക്രൈസ്തവ ഭവനങ്ങള് സന്ദര്ശിക്കുന്നതെന്നും അദ്ദേഹം കുററപ്പെടുത്തി. ഈസ്റ്റര് ദിനം പ്രവര്ത്തി ദിനമായിരിക്കുമെന്ന് മണിപ്പൂര് സംസ്ഥാന സര്ക്കാര് പുറത്തുവിട്ട ഉത്തരവിൽ വ്യക്തമാക്കിയിരുന്നു.