ന്യൂസ് ക്ലിക്ക് എഡിറ്റര്‍ പ്രഭീര്‍ പുര്‍കായസ്ത, എച്ച് ആര്‍ മേധാവി , അമിത് ചക്രബര്‍ത്തി എന്നിവർ എഫ്ഫ്ഐആര്‍ റദ്ദാക്കണമെന്ന് ആവശ്യപ്പെട്ട് ഡല്‍ഹി ഹൈക്കോടതിയെ സമീപിച്ചു. നിയമവിരുദ്ധമായിട്ടാണ് അറസ്റ്റെന്ന് മുതിര്‍ന്ന അഭിഭാഷകന്‍ കപില്‍ സിബല്‍ ഡൽഹി ഹൈക്കോടതി ചീഫ് ജസ്റ്റീസ് സതീഷ് ചന്ദ്ര ശര്‍മയുടെ ബെഞ്ചിന് മുന്‍പില്‍ അറിയിച്ചു. യുഎപിഎ ചുമത്തിയതും എഫ്ഐആറും റദ്ദാക്കുക.എന്നതാണ് പ്രധാനമായും ഹര്‍ജിയില്‍ ആവശ്യപ്പെട്ടിരിക്കുന്നതെന്നാണ് റിപ്പോർട്ട്.