ഹയർ സെക്കണ്ടറി അധ്യാപക ട്രാന്സ്ഫറിൽ കെഎടി വിധി സ്റ്റേ ചെയ്ത ഹൈക്കോടതി ഉത്തരവിനെ സ്വാഗതം ചെയ്യുന്നുവെന്ന് മന്ത്രി വി ശിവൻകുട്ടി. സര്ക്കാര് ഹയര് സെക്കണ്ടറി സ്കൂള് അധ്യാപകരുടെ 2025-26 ലെ ജനറല് ട്രാന്സ്ഫര് അടുത്ത അധ്യയനവര്ഷം ആരംഭിക്കുന്നതിന് മുമ്പ് പൂര്ത്തിയാക്കാനുള്ള എല്ലാ നടപടികളും സര്ക്കാര് സ്വീകരിച്ചുകൊണ്ടിരിക്കുകയാണെന്ന് മന്ത്രി വ്യക്തമാക്കി. നാളെ മുതൽ പ്രൊവിഷണല് ലിസ്റ്റ് ട്രാന്സ്ഫര് പോര്ട്ടലില് കൈറ്റ് പ്രസിദ്ധീകരിക്കുന്നതാണ്. ജനറൽ ട്രാന്സ്ഫർ പ്രക്രിയ അട്ടിമറിക്കുന്നതിനായി ചില നിക്ഷിപ്ത താല്പര്യക്കാര് കാലങ്ങളായി പ്രവർത്തിച്ചുകൊണ്ടിരിക്കുകയാണ്. ഇക്കാര്യങ്ങള് ശക്തമായ നടപടികളിലൂടെത്തന്നെ നേരിടാന് സർക്കാര് തീരുമാനിച്ചിട്ടുണ്ടെന്നും മന്ത്രി വി ശിവൻകുട്ടി വ്യക്തമാക്കി.
