കേരള സര്വകലാശാല എംബിഎ ഉത്തരക്കടലാസ് കാണാതായ സംഭവത്തിൽ പുനഃപ്പരീക്ഷയെഴുതാത്ത വിദ്യാര്ത്ഥിക്ക് അക്കാദമിക് റെക്കോഡ് പരിശോധിച്ച് ശരാശരി മാര്ക്ക് നല്കാന് ലോകായുക്ത നിര്ദ്ദേശം. മൂന്നാം സെമസ്റ്ററിലെ പ്രൊജക്ട് ഫിനാന്സ് പേപ്പറിന് ശരാശരി മാര്ക്ക് നല്കണമെന്നാണ് നിർദ്ദേശിച്ചിരിക്കുന്നത്. എംബിഎ വിദ്യാര്ത്ഥി അഞ്ജന പ്രദീപിന്റെ ഹര്ജിയിലാണ് ലോകായുക്ത ഡിവിഷൻ ബെഞ്ചിൻ്റെ നടപടി.വിദ്യാര്ത്ഥിക്കായി പ്രത്യേകം പരീക്ഷ നടത്താമെന്ന സര്വകലാശാലാ നിര്ദ്ദേശം ലോകായുക്ത തള്ളി. സര്വകലാശാലയുടെ നിര്ദ്ദേശം അപ്രായോഗികമെന്ന് ലോകായുക്ത ഡിവിഷന് ബെഞ്ച് നിരീക്ഷിച്ചു.
