ഇന്ത്യന്‍ വാഹന വിപണിയിലേക്ക് തിരിച്ചുവരാന്‍ ഒരുങ്ങുന്ന ഐക്കണിക്ക് ഇരുചക്ര വാഹന ബ്രാന്‍ഡായ എല്‍എംഎല്‍ വരാനിരിക്കുന്ന മൂന്ന് ഇലക്ട്രിക്ക് മോഡലുകളില്‍ ഒന്നിന്റെ ബുക്കിംഗ് ആരംഭിച്ചു. മൂണ്‍ഷോട്ട് മോട്ടോര്‍സൈക്കിള്‍, സ്റ്റാര്‍ സ്‌കൂട്ടര്‍, ഓറിയോണ്‍ ബൈക്ക് എന്നിവയാണ് പുതിയ മൂന്ന് എല്‍എംഎല്‍ മോഡലുകള്‍. എല്ലാം ഇലക്ട്രിക് വാഹനങ്ങളാണ്. ഇതില്‍ എല്‍എംഎല്‍ സ്റ്റാര്‍ എന്ന മോഡലിന്റെ ബുക്കിംഗാണ് തുടങ്ങിയത്. ഉപഭോക്താക്കള്‍ക്ക് എല്‍എംഎല്ലിന്റെ വെബ്സൈറ്റ് സന്ദര്‍ശിക്കുകയും ഈ സ്‌കൂട്ടര്‍ ബുക്ക് ചെയ്യുകയും ചെയ്യാം. എല്‍എംഎല്‍ സ്റ്റാര്‍ റിസര്‍വ് ചെയ്യുന്നതിന് ഉപഭോക്താവ് ഒരു പണവും അടയ്‌ക്കേണ്ടതില്ല. 360-ഡിഗ്രി ക്യാമറ, ഹാപ്റ്റിക് ഫീഡ്ബാക്ക്, എല്‍ഇഡി ലൈറ്റിംഗ് എന്നിവയും സ്‌കൂട്ടറില്‍ ഉണ്ടാകും.
