സംസ്ഥാനത്തെ മന്ത്രിമാരുടെയും എം എൽ എമാരുടെയും ശമ്പള വർധനയുടെ ബിൽ ഭരണ – പ്രതിപക്ഷാംഗങ്ങൾ നിയമസഭയിൽ പാസാക്കി. മുൻ എം എൽ എമാരുടെ പെൻഷനും വർധിപ്പിച്ചിട്ടുണ്ട്. ഇതിനു മുൻപ് 2018 ലാണ് ശമ്പള വർധന നടപ്പാക്കിയതെന്നും, ഉയർന്ന ചെലവുകൾ കാരണം പല അംഗങ്ങളും തങ്ങളനുഭവിക്കുന്ന ബുദ്ധിമുട്ടുകൾ സങ്കടത്തോടെ പങ്കുവെച്ചിരുന്നതായും തർക്കങ്ങളൊന്നുമില്ലാതെ ബിൽ പാസാക്കിയ നടപടിയെ അഭിനന്ദിച്ചുകൊണ്ട് സ്പീക്കർ തിരുവഞ്ചൂർ രാധാകൃഷ്ണൻ പറഞ്ഞു. എം എൽ എമാർക്ക് ഒരു പി എയെക്കൂടി അധികമായി അനുവദിക്കണമെന്ന സ്പീക്കറുടെ ആവശ്യത്തോട് അനുകൂലമായി […]

  കായിക മേളയിലെ ഭക്ഷണത്തിൽ പുഴുവിനെ കണ്ടെന്ന വിവാദത്തിൽ അറസ്റ്റിലായ കായിക അധ്യാപകൻ ജിജോ ജെയിംസിനെ റിമാൻഡ് ചെയ്തു. പെരുമ്പാവൂർ സ്വദേശിയായ ജിജോ ജെയിംസിനെ നേരത്തെ അന്വേഷണ വിധേയമായി സസ്പെൻസ് ചെയ്തിരുന്നു. അടിസ്ഥാന രഹിതമായ ആരോപണമാണെന്നും ജിജോ ജെയിംസിനെ സസ്പെൻഡ് ചെയ്യുകയാണെന്നും വിദ്യാഭ്യാസ വകുപ്പ് പുറത്തിറക്കിയ കുറിപ്പിൽ അറിയിച്ചത്. ഇന്നലെ ഉച്ചയ്ക്കായിരുന്നു ജിജോ ജെയിംസ് ആരോപണം ഉന്നയിച്ച് രംഗത്തെത്തിയത്. ഇതിന് പിന്നാലെ സ്ഥലത്ത് സംഘർഷം ഉണ്ടായിരുന്നു. അതേസമയം ജിജോ ജെയിംസിന്റെ രാഷ്ട്രീയ പശ്ചാത്തലത്തെ ചൊല്ലി യു ഡി […]

2027 മാർച്ച് മുപ്പത് വരെ വൈദ്യുതി വാങ്ങാൻ കെ എസ് ഇ ബിയ്ക്ക് ഹ്രസ്വകാല കരാറിന് അനുമതി നൽകി റെഗുലേറ്ററി കമ്മിഷൻ. മൂന്ന് കമ്പനികളിൽ നിന്നായി 270 മെഗാവാട്ട് വരെ വൈദ്യുതി വാങ്ങാം. യൂണിറ്റിന് 6.99 മുതൽ പരമാവധി 10 രൂപ വരെ നൽകാം. ഇതോടെ രാത്രികാല വൈദ്യുതി പ്രതിസന്ധിക്ക് നേരിയ പരിഹാരമാവും. ഇന്ന് വൈകീട്ട് ചേരുന്ന ഡയറക്ടർ ബോർഡ് യോഗത്തിലാവും അന്തിമമായ വിവരം ലഭിക്കുക. പത്ത് രൂപ വരെയെന്ന കമ്മിഷൻ്റെ നിബന്ധന പ്രകാരമാണ് കരാർ.

എസ്എംഎ രോഗബാധിതരായ കുഞ്ഞുങ്ങള്‍ക്ക് നിലവില്‍ നല്‍കുന്ന സ്വിസ് കമ്പനിയായ റോഷിന്റെ മരുന്ന് തന്നെ നല്‍കിയാല്‍ മതിയെന്ന് മാതാപിതാക്കള്‍. ഇന്ത്യന്‍ കമ്പനി നാറ്റ്‌കോയുടെ പുതിയ മരുന്ന് ഫലപ്രദമാണോ എന്നതില്‍ ശാസ്ത്രീയ പരിശോധന വേണമെന്നും, തങ്ങൾ ജനറിക് മരുന്നിന് എതിരല്ലെന്നും മാതാപിതാക്കള്‍ പറയുന്നു. ആശങ്ക അറിയിച്ച് മുഖ്യമന്ത്രി ഉള്‍പ്പെടെയുള്ളവര്‍ക്ക് മാതാപിതാക്കള്‍ ഇ-മെയില്‍ അയച്ചു. രോഗത്തിന്റെ തീവ്രത ബന്ധപ്പെട്ടവര്‍ മനസ്സിലാക്കണമെന്നും മാതാപിതാക്കള്‍ പറയുന്നു.

സരൾ ബിൽ എന്നാണ് പേരെങ്കിലും കരാള ബിൽ ആയി മാറുമെന്ന് പ്രതിപക്ഷ നേതാവ് പിണറായി വിജയൻ. സരൾ ബില്ലിൽ ഗൗരവമായ ആശങ്കകൾ ഉയർന്ന് വന്നിട്ടുണ്ട്. ഭരണപക്ഷത്ത് തന്നെ ഗുരുതരമായ ആശങ്ക ഉണ്ടന്ന് ചർച്ചകളിൽ നിന്ന് വ്യക്തമാണെന്നും ഈ നിയമം മുൻപുണ്ടായിരുന്ന നിയമങ്ങളെ റദ്ദാക്കുന്നില്ലെന്നും പിണറായി പറഞ്ഞു. ജി സുധാകരനോട് അഭിപ്രായ വ്യത്യാസം ഉണ്ടെങ്കിലും അദ്ദേഹം ഉന്നയിച്ച കാര്യങ്ങളോട് യോജിക്കുന്നു. നെൽ വയലുകളും തണ്ണീർത്തടങ്ങളും നശിപ്പിക്കുന്ന ബില്ലാണിത്. ജനങ്ങൾക്ക് കോടതിയെ പോലും സമീപിക്കാൻ കഴിയില്ല. ജനാധിപത്യവിരുദ്ധമായ ബില്ലാണ്. ബില്ലുമായി […]

രണ്ട് വര്‍ഷം എംഎല്‍എയായിരുന്നവര്‍ക്കുള്ള പെന്‍ഷന്‍ 8000 രൂപ എന്നത് 10,000 രൂപയാക്കി. മൂന്ന് വര്‍ഷം എംഎല്‍എ ആയിരുന്നവര്‍ക്ക് പെന്‍ഷനായി ലഭിക്കുക 15,000 രൂപയാണ്. നിലവിലെ പെന്‍ഷന്‍ 12,000 രൂപയായിരുന്നു. നാല് വര്‍ഷം എംഎല്‍എ ആയിരുന്നവര്‍ക്ക് ലഭിക്കുക 20000 രൂപ പെന്‍ഷനാണ്. മുമ്പ് 16,000 രൂപയായിരുന്നു നാല് വര്‍ഷം പൂര്‍ത്തിയാക്കിയ ജനപ്രതിനിധികള്‍ക്ക് നല്‍കുന്ന പെന്‍ഷന്‍. അഞ്ച് വര്‍ഷം എംഎല്‍എ ആയിരുന്നവര്‍ക്ക് ലഭിക്കുക 25000 രൂപയാണ് മുമ്പ് 20000 രൂപയായിരുന്ന തുകയാണ് ഈ വിധത്തില്‍ കൂട്ടിയിരിക്കുന്നത്.